E nisëm ditën herët në mëngjes me një nxemje në ajrin e pastër e të ftohtë të malit të Dajtit.

Mbërritja me teleferik ishte sfidë për disa nga grupi ynë që kanë frikë lartësitë, por u kalua me sukses!

Ecja në mal ishte sfiduese dhe jashtëzakonisht e bukur në të njëjtën kohë.

Një ditë e mbushur me lojëra, biseda, sfida dhe argëtim në Parkun e Aventurave.

Në këtë aktivitet grupi ynë mësoi se ndonjëherë, ata personat që janë para nesh janë ata që na ngadalësojnë dhe se që të gjithë të fitojnë në fund, duhet që secili t’i tregojë tjetrit teknikat për të kaluar vështirësitë hap pas hapi.

Mësuam se sa më lart të ngjitesh në rrugëtimin tënd, aq më të vështira janë provat që duhet të kalosh, dhe ndonjëherë do të duket e pamundur të shkosh më tej, por përsëri duhet të shtysh përtej limiteve.